Marteago.com, Discusiòn, ciacoe e altro su Martellago

Bona, tachemo.

'Na volta jero drio 'nar scuoea e jero in seconda media.
El Pope da Sbarco vede el Tito e ghe dise "Bestia Marso".

El Tito se ga' impissa' el taca corere par via Fapani sigando
"Can, bestia, marso. Te ga' el fegato a tochi. Can bestiamarso. Canbestiamarso. Canbestia marso."

El riva drentro el canceo dee scuoe medie ore 7.56 e porte xe' canora serae.

El Tito che va vanti "Gheo digo ae vostre maestre, fegato a tochi, canbestiamarso".

Mi el Pope da Sbarco e Semensa jerimo da drio del Tito e vedemo tuti che se fraca su pae porte... ...e bidee inpaurie verxe e porte e e fa 'ndar drentro tuti.

A Concettina fa riunion in atrio, a jera in pie sul secondo scain dee scae che porta al primo piano.

"Eeeealllora, cosa e' successo?"

Silenzio omertoso.

Salta fora el Sante (No Rodei) el dixe "Ho sentito dire che Filippo (Gaino) ha offeso il quel signore"

E tutti "Uoaaaaaa" del tipo "Ma ti vol morire giovane?"
Gaino quea volta no centrava gnente.

Comunque xe' 'nda' a finire che lo ga' increcoea' de pungi e ghe ga' lancia' a cartea sul giardin de Pastasuta.

Ne scrivo 'natra dopo vao in leto.

Ora buca, i ghe divide par classi.

Ciano Fusaro, Semesa, Ciccillo, Pope da Sbarco, Ruffato e mi i ghe cassa in session D, che i gaveva l'ora de ginastica e quindi via in paestra.

Se cassemo su na panchina disposti nell'ordine che go' scrito i nomi.
Ciano al tempo jera sempre al centro dell'attensione = schersi. Mi ghe fasso a Ruffato "Passa paroea, al tre, spinxemo tutti verso sinistra e cassemo Ciano partera"
1
2
3
Voom, Ciano senta' partera e tutti a ridere.
Ciano ghe varda e ghe fa "Forse go' desfa' a carega" e ridi ancora de pi'.
Da staltro canton dea paestra Burato siga "Gavio desfa' a carega?"

Mi me domando ancora come chel gappia fatto a capire, el jera gira' da staltra parte, in paestra ghe jera in casin infinito.
Secondo mi a carega jera xa' rota. Po' jera soeo un cantoneto, gnente maeani grossi.

Via tuti in presidensa e se ciappemo na cresemada daea Concettina.

L'ora dopo gavevo Bertin de matematica (jero in A) classe vissin ai cessi dei fioi che butta sull'ingesso.
Mi so taca' aea finestra e in parte go' Morando.

Tiro xo' co un deo a taparea e vedo a Concettina e col braso a mando remengo.

"Loro, cosa fai" me dixe Bertin.
Go' visto a morte, na setimana de sospension bea fresca.
"Simionato, chi c'e' fuori?" domanda Bertin.
el bionda ghe fa "Gne, gne, a preside, gne gne"
Bon, jero morto, come el bionda.
"Loro, perche'?"
e mi ghe spiego a storia al professor.
E ju me fa
"Loro, concordo con te"
Mitttico Bertin!

Queo che go' passa' in quei do minuti no gheo auguo a nissuni, ma a xe' ndada a finir ben.

Notte

mi me ricordo che in terza media periodo de carnevae tutti i maschi dea me classe all'ora de ginnastica se gavemo presenta in pigiama invesse che in tuta. ghe xera anca uno in pantofoe e vestaglia.

el professor ciama a Concettina che ne da na pettenada galattica e minaccia de sospendere chi non ga a tuta.

panico quando me so accorto che gavevo a tuta da ginnastica in classe.

chiedo il permesso de andar in classe e varda caso co rivo in mexo al corridoio in pigiama sona a campanea dea ricreasion.
non ve digo a figura de m...... che go fato.

Bene.

Tresa media suea classe aea sinistra dee scae che va su.

[Jerimo al primo piano e i ghe ga' cassa' al piano tera (tutta a session A) ma vea conto 'naltra volta]

Ora de italian, Genovese interoga suea poesia da imparare a memoria.

Vadrando ea catedra, fiea de destra in prima riga:
Ciano Fusaro, Ruffato
Cicillo Busato, Pope da Sbarco
Morando, Loro

Genovese (prof de italian) taca.
"Bene, Concolato (Pope da Sbarco ndr.).
Leopardi, Il Passero Solitario"

Premessa: el Pope da Sbarco de imparar poesie no gaveva voja. A ju ghe piaxeva i Oxford, i Ciaetti, a Vespa. Na volta ghe ciappo a carea (che de soito jera voda) e a pexava 10Kg. Drentro gaveva, do carburaori e un per de pistoni co ciave e cassavidi. Ogni volta che bisognava iparar na poesia el vegniva sega'.

Bon, Pope da Sbarco taca

"IL PASSERO SOLITARIO
D'in su la vetta della torre antica,
Passero solitario"

Fin qua xe' fasie.

"alla campagna
Cantando vai finché non more il giorno"

Vardo Morando sensa dire gnente con sguardo del tipo "Ca55o el Pope ga' studia'. Po' dixemo more anca in diaetto quindi xe' fassie."


"Ed erra l'armonia per questa valle.
Primavera dintorno"

Morando me varda "Impressionante el Pope se ga' da da fare"

"Brilla nell'aria, e per li campi esulta,
Sì ch'a mirarla intenerisce il core. "

Vardo Morando e penso "Seee, ouuu, EL CORE" salta fora i primi sospetti.

"Odi greggi belar, muggire armenti;
Gli altri augelli contenti, a gara insieme"

Se gira Cicillo Busato rosso come na fragoea che se sbuea da ridere. Mi e Morando a vardar Cicillo in quee condission tacemo ridere sensa gnanca pensarghe immaginando che el Pope jera drio far qualcossa de losco.

"Per lo libero ciel fan mille giri,
Pur festeggiando il lor tempo migliore:
Tu pensoso in disparte il tutto miri;
Non compagni, non voli,
Non ti cal d'allegria, schivi gli spassi;
Canti, e così trapassi"

Cicillo se gira 'naltra volta coe agreme ai oci che non ghe ne gaveva pi' da pianxere. E co un gesto ghe fa capire chel xe' drio lexere a poesia suea sedia de Ciano Fusaro.

"Dell'anno e di tua vita il più bel fiore.
Oimè, quanto somiglia
Al tuo costume il mio! Sollazzo e riso"

Riso? Mornado distira' sora el tavoeo coe agreme ai occi. Mi non ghe go' fatta pi e me so nascosto sotto el tavoeo.

"Della novella età dolce famiglia,
E te german di giovinezza, amore"

Ghe digo a Morando "El Pope pensara' chel german xe' tedesco".
Mi no gavevo pi agreme da pianxere, Morando scioppa da ridere e se fa sgammare. Genovese vede tutti imboressai, Ciano Fusaro compreso. El se alsa in pie e dixe "Concolato, stai leggendo?"

El Pope in diateo veneto come scrivo desso "Ma, nooo, a go' imparada" el continua:


"Sospiro acerbo de' provetti giorni,
Non curo, io non so come; anzi da loro
Quasi fuggo lontano;
Quasi romito, e strano"

Ge digo a Morando "Chel sapia cossa xe' un romito...e strano?" Via a ridere, i addominai me faxeva mae, i occi secchi sensa eagreme, a facia rossa no ghea faxevo a respirare.

Genovese se alsa e lo sgama de bruto el ghe fa:
"Tangarus, me pareva impossibie"

Vardo Ciccillo Busato e ghe digo "Tangarus".

Genovese "Portami il diario" che te scrivo na nota ndr.

El Pope da Sbarco se gira e ghe fa "Tuta colpa vostra, ghea gavevo quasi fata".

Mi ghe go' chiesto al prof de 'ndar in bagno perche' dovevo lavarme a faccia e tranquiixarme, non ghea faxevo pi' da ridere.

Ricordi, alla scuola Buonarrotti.
Quela che desso i vol butar xo, par fare chi sa cossa.

L’ano (no stè far confusion) non me lo ricordo, ma fasevo le elementari, la seconda o tersa, la prima no de sicuro parche la go fatta dove ghe xe el municipio adesso.

Me ricordo de quela volta che se cascà la lavagna, parchè la gera de quee fatte a bilancia fissae sol muro col cemento.

Non lo so se gavì fatto tempo de vederle, o se le ghe gera ancora desso, ve spiego più o meno come che la gera fatta, se ghe riexo.
Gavìo presente na leva de primo genere con fulcro al centro a bracci uguali, ecco, il fulcro al centro el gera fissà al muro, due lavagne una all’estremo dell’altra, bilanciade, stesso peso, ogni uno par scrivere el sea tirava al livelo chel voleva.

Fatalità?- Un giorno se cascà tutto, con un tonfo chel pareva un terremoto.
La me maestra che se ciamava Annalisa Gusso, i me gà dito che a xe ancora viva, - no gavevo dubbi so questo visto che la se soppravisua allo spasemo quea volta là - la gera deventada paonassa dal spavento.
Noialtri che gavevimo da scrivere ala lavagna, co sto fatto che se sucesso, non ghe semo più ndai a risolvere i problemi de matematica ala lavagna, xavio che che disperaxion che la gera per noialtri!
Par oggi ve Saludo.

Bea Jani.

Ti ga' scrito "Fataita'?"... ...no xe' che dadrio chea fataita' che xe' a man de qualcuno?

...Sempre se se poe dire sa.

Un altro ricordo sempre de chel periodo.

A chel tempo na classe a gera formada da circa trenta alunni, anca trentatre xemo rivai, disposti in file de banchi accoppiati a due a due.
Me ricordo che iero in banco insieme a Gianc. Maz. el nome intiero non ve lo digo per rispetto de la praivasi.
El gera un bun tosato, bon come el pan, però el gaveva un difetto, quando lo se faceva rider, o el gera in difficoltà, el se pissava dosso. Adesso i me ga dito chel xe un rinomato psicologo, el insegna psicologia so na squola de Mestre.
E dopo chel se pissava dosso, mi faxevo le barchette de carta, sol laghetto che se formava parterra, e prima che rivasse el bideo Nani Gaeto a netar tutto, noialtri coea carta assorbente cercaimo de nasconder tuto, senò e gera paroe a non finir.
La maestra che la saveva de stò “piccolo” difetto, quando capitava non la faceva altro che farlo accompagnar a casa.
L’ultima volta che lo gò incontrà, gera dal barbier diese anni fa, el gaveva el senso dell’ umor da far invidia.
Par oggi ve Saludo.

Mi purtroppo no gò ricordi cossì nitidi, comunque me ricordo de 'na nota fatta a Inglis Peron perchè "mangiava sempre a tutte le ore" o quea volta che el rapi xe 'ndà su 'naltra classe per un'ura buca e el se ga fatto 'na sega mostrandoghe l'operasion a 'na fia che, sconvolta, ga denuncià el fatto che in circa 10 minuti ga fatto el giro dea scuoea !!!!

La prossima volta il seguito ...

Usso !!!

Semo drio spettar el seguito !!!!
Me par che sia già passà abbastansa tempo dall'ultima...
Te te geri fermà a quando Peron gera drio far lezion de sesso in classe, premetto che xe sempre meio che la lezion de sesso la fassa un competente in materia, come se gà dimostrà nel to racconto.
Saluti

Usso Usso....ma te te ricordi co so vegnuo compagnà dai genitori perchè pa correrghe drio a Richi go rabaltà a sedia dea M. A. ???? A specchia me ga strassinà daea preside !!! So sta un grande perchè so riussio no farme sospendere !!!

E quando fasevimo Candid camera in atrio durante l'intervaeo ???? Ciappavimo uno e cominsiavimo a seguirlo tutti in fia e yu no se accorseva...che ridae....ma soprattutto che ebeti che gerimo....nel senso bon dea paroea ovviamente !!!!1 E el teegiornae de richi??? incredibie...co e storie de Simion che magnava el minestron !!!!! Bei tempi...mi, ti e Riato gerimo posissionai soi tre cantoni dell'aula.....ma nonostante questo nissuni gera bon de tegnerghe tranqui....

sò riuxìa a exar tuto!!!!
sò drio sbuearme dae ridae
SIETE FANTASTICI!!!!!!!!

Antonietta !
Adesso tocca ti a raccontarghe calcossa a noaltri !
Su dai scomissia....che dopo ne racconto n'altra .

Saluti

va ben,deso ve digo a mia.....
ma no so se ve farà ridar

scominsiemo col dir che mi gero a più picenina dea classe parchè me mare gà vosuo farme nassar proprio l'ultimo giorno del'anno
non ea me gà fato n'dar in asìo parchè el primo giorno che a me gà portà gò pianto da far tirar sò i santi in paradiso.
ae elementari se sta naltra tragedia parchè tutte e putèe se conoseva e mi niente...soèa,timida e impauria,là su un cantòn e chea desgrasiada dea maestra(che a gèra quea che gaveva anca me mare )che sberegava a voze alta a più no pòsò e a brandiva na bachèta come fòse na spada sora e teste de tute quee che no capiva e se te ghe ridomandavi e robe paea seconda volta a te dava na andada coea man de roverso co un anèo grosso come na nosa
finalmente dopo tanto penar finise sti 5 ani de tormento....
oh,ecco...rivemo ae medie.....
sta volta gero a più picoea dei picoi....
visto che in quea classe gero l'unica a essar nata a fine anno,gavevo un bel distaco da tuti chealtri e figuremose anca che ghe gera in classe anca i bociai de'anno precedente!!!
el professor de musica a prima volta che el me vede el me dise: "e tu cosa fai così piccolina quiii?????"
el me mete in banco davanti dea so catedra el taca far a so ession e ogni tanto el me varda e el dise:"hai capito topolino???"
no lo gavesse mi dito,desgrassià iu e i so pori avi....i masci gà scominsià a far el degheio ..."topolino di quà e topolino di là...."
fora daea classe i taca dirme: topolino,dove vai? topolino cosa fai?e così via per diversi giorni...
un deficente el riva in classe na matina e el taca dir: sòrse,cosa ti fa? sòrse ,dove ti va?...e mì a crepar e rabia par no poder difendarme ...
dopo un per de giorni ancora :pantegana,dove ti va? pantegana ,cosa ti fa?.... e aeora no ghe go più visto!!!!...
passi par el topolino,passi par el sorse,ma pantegana proprio no!!!!!!
par fortuna el gèra un giorno de piova.....sona a campaneà par andar casa....ciapo el primo ombreo che me capita a tiro eeeee...... SBENG....GHEO Gò ROTO IN TESTA A CHEL DEFICENTE MARSO DE QUEO CHE GERA NA SETIMANA CHE ME ROMPEVA E B..
giorno dopo naturalmente,mi ,el "deficente marso " el professor de musica e anca el paron del'ombrea semo stai ciamai dal preside par contar queo che gera successo... in fin dei conti a se ndada a finir che el professor e mi gavemo avuo na tirada de rece,el "deficente marso"el gà ciapà na bea nota co tre giorni de sospension da scuoea(come se ghe dispiasesse...)e naturalmente el paron del'ombreo el se ata risarcio da parte nostra del danno subìò...
da quea volta i masci dea classe gà vuo sempre un ocio de riguardo nei me confronti!!!!!!
beh....no a ze na storia da ridar ma no podì credar CHE GRAN SODISFASSION DA PARTE MIA!!!!!!!!!!!!! )

l'argomento (anche se, purtroppo, di altro segno) mi sembra comunque coerente a questo topic e mi permetto di segnalarlo.

Mi riferisco all'articolo apparso sul numero de IL GAZZETTINO del 10/10/2009 a pag. XXIV dal titolo: "Lite tra studenti arrivano i carabinieri". Dalla lettura dell'articolo si fa riferimento ad una rissa scoppiata giovedì alle medie di Martellago con protagonisti "due ragazzini extracomunitari".

Al di là della nazionalità degli interessati (nulla sarebbe cambiato, infatti, se si trattasse di ragazzi del posto), il fatto è, purtroppo, veramente grave e fa riflettere...

Per la lettura dell'articolo si rimanda allo storico del giornale presente su http://www.gazzettino.it/